اتوار , 7 مارچ 2021

7 ایسی ایجادات جوآپ کی زندگی میں آسانی پیدا کرسکتی ہیں

19

اسٹاک ہوم: جدید ٹیکنالوجی کی بدولت زندگی آسان اور پرتعیش ہوگئی ہے اور اکثر کام روبوٹک مشینیں کرنے لگی ہیں لیکن اب بھی بہت سے ایسے کام ہیں جنہیں انسان اپنے ہاتھوں سے کرنے پر مجبور ہے ایسے 7 کاموں کو ٹیکنالوجی کی مدد سے انجام دینے کے لیے ایک ٹیکنالوجسٹ نے دلچسپ ایجادات کی ہیں جسے جان کر آپ مسکرائے بغیر نہیں رہ سکیں گے۔
روبوٹس پر کام کرنے والی سوئس خاتون سائمن گائرڈزے نے ان ایجادات کو بنانے کا تصور پیش کیا ہے اور ان کا ارادہ ہے کہ وہ ایسا کرکے دکھائیں گی بلکہ ان میں سے کچھ کو تو انہوں نے بنا کر اپنے گھر پر استعمال کرنا بھی شروع کردیا ہے لیکن اب وہ چاہتی ہیں کہ باقی لوگ بھی اپنے یہ کام ہاتھ سے انجام دینے کی بجائے ان مشینوں سے ہی کیوں نہ انجام دیں۔

20

روبوٹک الارم: یہ روبوٹ الارم مقررہ وقت پر اٹھانے کے لیے سوتے ہوئے شخص کے منہ پر تھپڑوں کی بارش کرکے اسے جگاتا ہے، اس انوکھے الارم میں گھڑی سے ایک روبوٹک بازو جڑا ہے جو گھومتا رہتا ہے اور اسے ’’جگانےوالی مشین‘‘ ( ویک اپ مشین) کا نام دیا گیا ہے جب کہ انہوں نے یہ پرتشدد کلاک اپنے گھر میں نصب کررکھا ہے جو عین ان کے سر کے اوپر موجود ہے اوراس پر ربڑ کا ہاتھ نصب ہے۔ سائمن کے مطابق اس گھڑی کو بنانے کا خیال انہیں اس وقت آیا جب انہوں نے خوف کے تہوار ’’ہیلووین‘‘ پر پلاسٹک کا ایک کٹا ہوا ہاتھ دیکھا اور ایسا ہی ایک ہاتھ کلاک سے جوڑنے کا سوچا۔ کلاک میں گھڑی کے ساتھ مائیکرو کنٹرولر ریلے نصب کی گئی ہے جو بازو کو گھماتی ہے۔

21

ٹوتھ برش مشین: سائمن نے ایسے سست افراد جو برش کرنے میں کاہلی کا مظاہرہ کرتے ہیں ان کے لیے ایسا ٹوتھ برش بنا ڈالا ہے جو ان کی مشکل کو آسان بنادے گا۔ انہوں نے اسکیٹ بورڈ ہیلمٹ پر ایک روبوٹک الارم لگا کر اس کے ساتھ ٹوتھ برش کو جوڑ دیا ہے جس کے سامنے کھڑے ہوجائیں وہ خود ہی برش کرے گا اور دانتوں کو چمکا دے گا۔

22

ناشتے کی مشین: اب تیاری کرلیں ناشتے کی لیکن اسے بنانے میں وقت کیوں ضائع کریں بس میز پر بیٹھ جائیں ناشتہ خود بخود تیار ہوجائےگا۔ سائمن کا کہنا ہے کہ انہوں نے ایک روبوٹ آرم کو اس طرح پروگرام کیا ہے جو نہ صرف اس کا ناشتہ تیار کرتا بلکہ اسے کھلاتا بھی ہے۔

23

سبزی کاٹنے کی مشین: سبزیاں کاٹنا ایک فن ہے اور مشکل کام بھی جب کہ خواتین کے لیے یہ سخت محنت کا کام ہے لیکن اس کا حل آگیا ہے جو تیز بھی ہے اور محفوظ بھی۔ سائمن نے اس کے لیے المونیم ایکٹو بوٹک فریم، دو چاقواور ایک کٹنگ بورڈ کا استعمال کیا تاہم ان کا کہنا ہے کہ وہ اسے اس کے علاوہ شاید ہی کوئی اور خریدے۔

24

کمرپر لدا فریج: سائمن کا کہنا ہے کہ وہ سوچ رہی ہیں کہ ایک ایسا فریج بنائیں جسے کمر پر لادا جاسکے جو صرف پانی ٹھنڈا نہ کرے بلکہ ایک مکمل فریج ہو جس میں بیٹری لگی ہو اور جب بھی آپ سفر کے دوران ٹھنڈی کولڈ ڈرنک پینا چاہیں تو بس ایک ہاتھ کے فاصلے پر حاصل کر سکیں۔

25

کشتی یا آبدوز میں بنے گھر: سائمن کا کہنا ہے کہ اسٹاک ہوم میں گھر بنانا ایک بڑا مسئلہ ہے اور اس کا حل ان کے پاس یہ ہے کہ کشتی پر گھر بنایا جائے اور اسی میں رہا جائے لیکن اس مسئلہ کا ایک طویل المدتی حل بھی ہے ایک سب میرین خریدی جائے اور اسے ری ماڈلنگ کرکے رہائش میں بدل دیا جائے۔ ان کا کہنا ہے سمندر اور پانی کے نیچے رہنے سے انسانوں کی آبادی سمندر میں بھی رہنے اور یہاں کی زندگی سے آشنا ہونے کا موقع ملے گا۔

26

ساؤنڈ پروف ٹوائلٹ: بہت سے چیزیں انسان ایک دوسرے سے شیئر کرنا پسند کرتا ہے لیکن کچھ چیزیں وہ شیئر نہیں کرتا جیسے ٹوائیلٹ۔ اسی لیے سائمن کا کہنا ہے کہ وہ ایسا ٹوائلٹ بنانا چاہتی ہیں جس کی گڑگڑانے کی آواز نہ آئے۔

یہ بھی دیکھیں

یکم جنوری سے ان اسمارٹ فونز پر واٹس ایپ نہیں چلے گا

لندن: پیغام رسانی، آڈیو اور ویڈیو کال کی معروف واٹس ایپ یکم جنوری 2021 سے …