ہفتہ , 6 مارچ 2021

گردوں اور جگر کے مسائل کی بڑی علامت؟

56ba3600d99a1

اگر تو آپ کے ناخن 2 رنگوں میں تقسیم ہوچکے ہو تو وہ گردوں اور جگر کے امراض کی علامت ثابت ہوسکتے ہیں۔

یہ بات امریکا میں ہونے والی ایک طبی تحقیق میں سامنے آئی ہے۔

ورجینیا یونیورسٹی کی تحقیق میں ناخنوں کی ایک علامت جسے ہاف اینڈ ہاف نیلز کا نام دیا گیا ہے، کو گردوں اور جگر کے مسائل کا انتباہ قرار دیا گیا ہے۔

اس علامت میں ناخن کا ایک حصہ سفید ہوجاتا ہے جبکہ دوسرا حصہ گلابی یا کسی اور رنگ کا ہوتا ہے۔

تحقیق کے مطابق ناخن کی یہ شکل ممکنہ طور پر اس وقت ہوتی ہے جب مخصوص ہارمونز اکھٹے ہوجائیں یا خون کی شدید کمی ہو اور یہ دونوں گردوں کے امراض کے باعث لاحق ہوتی ہیں۔

محققین کے مطابق گردوں اور جگر کے مسائل اکثر رنگت میں تبدیلی کا باعث بنتے ہیں جو ناخنوں اور جلد پر ظاہر ہوتے ہیں۔

تاہم ان کا کہنا تھا کہ چونکہ اکثر تشخیص پیچیدہ ہوتی ہے اور کچھ علامات مختلف امراض سے منسلک ہوسکتی ہیں تو اگر آپ اپنے ناخنوں میں ایسی تبدیلی دیکھیں تو کسی طبی ماہر سے رجوع کریں۔

یہ بھی دیکھیں

بیماری میں حتیٰ الامکان دوا سے پرہیز کیجئے!

اسلامی متون میں بکثرت ایسی احادیث اور روایات موجود ہیں جن میں یہ ہدایت کی …