جمعہ , 26 فروری 2021

افغانستان میں شہریوں کی ہلاکت میں اضافہ ہوا

6

اقوام متحدہ نے اپنی ایک رپورٹ میں کہا ہے کہ افغانستان میں طالبان کے ساتھ طویل جنگ کے سلسلے میں عام شہریوں کے زخمی اور ہلاک ہونے کی تعداد میں اضافہ ہوا ہے۔

تشدد کے نتائج خواتین اور بچوں پر نمایاں طور پر نظر آ رہے ہیں۔
رپورٹ کے مطابق جنگ کے نتیجے میں گذشتہ سال سنہ 2015 میں مجموعی طور پر 3545 شہری ہلاک ہوئے جبکہ زخمی ہونے والوں کی تعداد 7457 رہی۔
ہر چند کہ سنہ 2014 کے مقابلے ہلاکتوں میں چار فی صد کی کمی آئی ہے لیکن زخمیوں کی تعداد میں نو فیصد کا اضافہ دیکھا گیا ہے۔
افغانستان میں اقوام متحدہ کے اسسٹینس مشن کا کہنا ہے کہ سنہ 2009 کے بعد سے افغانستان میں ہلاکتوں اور زخمیوں کی یہ سب سے بڑی تعداد ہے۔

5

اس میں کہا گيا ہے کہ مرنے والوں میں دس فی صد خواتین ہیں جو کہ گذشتہ سال کے مقابلے 37 فی صد زیادہ ہیں۔ رپورٹ میں یہ بھی کہا گيا ہے کہ مرنے والوں میں بچوں کا فی صد 25 رہا جو کہ گذشتہ سال کے مقابلے 14 فی صد زیادہ ہے۔
زیادہ تر ہلاکتیں دونوں جانب سے ہونے والی فائرنگ میں ہوئی ہیں۔
’مسلح جنگ میں شہریوں کا تفحظ‘ کے عنوان سے شائع ہونے والی یہ سالانہ رپورٹ موقعۂ واردات پر کی جانے والی جانچ پر مبنی ہے۔

151201104552_afghan_women_100_640x360_shaqayiq_nocredit

اس میں کہا گیا ہے کہ 62 فی صد ہلاکتیں حکومت مخالف گروپوں کی جانب سے ہوئی ہیں جن میں طالبان شامل ہیں جو گذشتہ 15 برسوں سے حکومت کے خلاف برسرپیکار ہیں۔
اس کے علاوہ 17 فی صد ہلاکتیں حکومت کے حامی گروہوں کی جانب سے ہوئی ہیں جبکہ بین الاقوامی فورسز کے ہاتھوں مرنے والوں کی تعداد دو فی صد ہے۔
رپورٹ میں کابل پر ہونے والے بڑے حملوں کو بڑی تعداد میں ہلاکتوں کا ذمہ دار قرار دیا گیا ہے۔ اس میں کہا گیا ہے کہ سات اگست کو ہونے والے حملے میں 355 شہری متاثر ہوئے تھے جن میں 43 ہلاک جبکہ باقی 312 زخمی ہو گئے تھے۔

یہ بھی دیکھیں

برطانوی پارلیمنٹ فیکٹ فائنڈنگ مشن مقبوضہ کشمیر بھیجے گی

لندن (مانیٹرنگ ڈیسک) برطانوی پارلیمنٹ نے مقبوضہ کشمیر میں انسانی حقوق کی پامالی پر تشویش …