کافی کا استعمال جگر کیلئے فائدہ مند

[/caption]اسلام آباد: طبی ماہرین نے کہا ہے کہ دن میں کافی کے 2 اضافی کپ پینے سے جگر کے سکڑنے کے امکانات 44 فیصد کم ہو جاتے ہیں۔
برطانیہ کی ساﺅتھ ہمپٹن یونیورسٹی کے طبی ماہرین نے حال ہی میں کی جانے والی تحقیق میں کہا ہے کہ ذیادہ کھانا کھانے سے جگر کو ہونے والے نقصان کے خطرے کو کافی پینے سے کم کیا جا سکتا ہے۔
ماہرین نے گزشتہ شائع ہونے والی تحقیقات کے ڈیٹا کا تجزیہ کیا جس میں چار لاکھ سے ذائد افراد نے حصہ لیا تھا۔ ماہرین نے کہا ہے کہ انہیں اس سے معلوم ہوا کہ دن میں کافی کے 2 اضافی کپ پینے سے جگر کے سکڑنے کے امکانات 44 فیصد کم ہو جاتے ہیں۔

ماہرین نے کہا ہے کہ دنیا بھر میں جگر کے سکڑنے سے ہر سال 10 لاکھ افراد موت کا شکار ہو جاتے ہیں جس کی وجہ ہیپاٹائٹس انفیکشن، مدافعتی شکایات اور جگر کے موٹاپے کی بیماری شامل ہے۔