بدھ , 3 مارچ 2021

جنوبی شام میں فوج کی باغیوں کے خلاف بڑی کارروائی

151230042639_syria_army_640x360_epa_nocredit

حکومتی افواج جنوبی صوبے کے شہر درعا کی جانب پیش قدمی کر رہی ہیں
شام سے موصول ہونے والی اطلاعات کے مطابق حکومتی افواج نے ملک کے جنوبی علاقوں میں باغیوں کے خلاف بڑی کارروائی شروع کر دی ہے۔
گذشتہ کئی ماہ میں پہلی مرتبہ حکومتی افواج کی جانب سے جنوبی علاقوں میں حکومت مخالف باغیوں کے خلاف اتنی بڑی کارروائی کی جا رہی ہے۔
شام کے متعدد باغی رہنما فضائی حملے میں ہلاک
’ایک تہائی شامی باغیوں اور دولتِ اسلامیہ کا نظریہ ایک‘
شامی فوج کا کہنا ہے کہ انھوں نے باغی کے زیر اثر شہر شیخ مسکین میں بریگیڈ 82 نامی سب سے فوجی اڈہ واپس حاصل کر لیا ہے تاہم باغی ذرائع اس دعوے کی تردید کرتے ہیں۔
خیال رہے کہ رواں سال کے آغاز میں اس سال کے آغاز میں حکومت مخالف باغیوں نے اس فوجی اڈے پر قبضہ کر لیا تھا جس سے حکومتی فوج کو جنوب میں نقل و حمل متاثر ہونے کا خطرہ تھا۔

151230042844_free_syrian_army_fighters__640x360_ap_nocredit

شام کے جنوب مغربی علاقے حکومت مخالف قوتوں کا گڑھ ہے
خبر رساں ادارے روئٹرز کے مطابق حکومتی افواج نے بھارتی گولہ بھاری کرتے ہوئے درعا نامی شہر کی جانب پیش قدمی کی ہے۔
درعا سے ہی شامی صدر بشار الاسد کے خلاف احتجاجی تحریک شروع ہوئی تھی۔
خیال رہے کہ شام کے یہ جنوب مغربی علاقے ان حکومت مخالف قوتوں کا گڑھ ہیں جو تاحال جہادی گروہوں کے ساتھ شامل نہیں ہیں، اور ان کے قبضے میں معقول علاقہ ہے۔
مشرق وسطیٰ کے لیے بی بی سی کے نامہ نگار سبیچیئن اوشر کے مطابق شامی فوجی یہ کارروائی اس لیے بھی اہم ہے کہ تین ماہ قبل شامی حکومت کے لیے روس کی فضائی کارروائیوں کے آغاز کے بعد پہلی مرتبہ حکومتی افواج جنوبی علاقوں میں بڑی کارروائی کی کوشش کر رہی ہیں۔

یہ بھی دیکھیں

شہید قاسم سلیمانی کے قتل کا جواب امریکہ کو دینا ہو گا: ایران

مجید تخت روانچی نے ایران اور امریکہ کے مابین قیدیوں کے تبادلے کے سوال پر …