اتوار , 25 جون 2017

ایران : افغانستان میں ہونے والے بم دھماکوں کی شدید الفاظ میں مذمت

تہران (مانیٹرنگ ڈیسک )اسلامی جمہوریہ ایران کی وزارت خارجہ کے ترجمان بہرام قاسمی نے افغانستان میں ہونے والے بم دھماکوں کی شدید الفاظ میں مذمت کی ہے۔رپورٹ کے مطابق، وزارت خارجہ کے ترجمان نے افغانستان میں دہشت گردانہ حملوں کی مذمت کرتے ہوئے افغانستان کی حکومت اور عوام کو تعزیت پیش کی ہے۔رپورٹ کے مطابق اسلامی جمہوریہ ایران کی وزارت خارجہ کے ترجمان نے کابل اور قندھار میں ہونے والے حالیہ بم دھماکوں کی شدید الفاظ میں مذمت کرتے ہوئے افغان عوام اور دھماکوں سے متاثرہ خاندانوں کے ساتھ ہمدردی کا اظہار کیا ہے۔
انہوں نے مزید کہا: ہرقسم کی دہشت گردی کا مقابلہ کرنے کا وقت آن پہنچا ہے اور خطے کے تمام ممالک کو ملکر انتہا پسندی کے خلاف کارروائی کرنی چاہئے۔واضح رہے کہ کابل میں افغان پارلیمنٹ کے قریب خود کش حملے اور قندھار میں دھماکوں کے نتیجے میں 43 افراد جان بحق اور متحدہ عرب امارات کے سفیر اور قندھار کے گورنر سمیت 82 افراد سے زائد زخمی ہوگئے ہیں۔

یہ بھی دیکھیں

خطرناک کھیل میں سعودی عرب کو شکست نصیب ہو گی، ایران

تہران (مانیٹرنگ ڈیسک) ایران کے نائب وزیر خارجہ نے سعودی عرب پر دہشت گردی کی ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے