اتوار , 7 مارچ 2021

کوئٹہ میں پولیو کے ایک نئے مریض کی تصدیق

151011132641_vacunas_polio_640x360_afp_nocredit

پاکستان کے صوبہ بلوچستان کے دارالحکومت کوئٹہ میں پولیو کے ایک نئے مریض کی تصدیق ہوئی ہے جو صوبے میں رواں برس سامنے آنے والا پہلا مریض ہے۔
صوبائی محکمۂ صحت کے ذرائع نے اس نئے کیس کی تصدیق کرتے ہوئے بتایا کہ پولیو سے متاثر ہونے والا بچہ اکرام احمد ڈھائی برس کا ہے۔
ذرائع کے مطابق متاثر ہونے والا بچہ سمنگلی روڈ کا رہائشی ہے۔
محکمہ صحت کے ذرائع کے مطابق رواں سال کے دوران یہ بلوچستان میں تصدیق ہونے والے پولیو کا پہلا جبکہ پاکستان میں تیسرا کیس ہے۔
گذشتہ سال کوئٹہ سمیت بلوچستان کے دیگر علاقوں میں مجموعی طور پر پولیو کے چھ نئے مریضوں کی تصدیق ہوئی تھی۔

160113055541_polio_police_pakistan_640x360_afp_nocredit

پاکستان میں گذشتہ ہفتے ہی 83 ’ہائی رسک اضلاع‘ میں تین روزہ انسدادِ پولیو مہم منعقد ہوئی تھی۔
کسی بھی علاقے کو پولیو کے لیے ہائی رسک قرار دیے جانے کا مطلب ہے کہ پہلے بھی وہاں پولیو کے کیس سامنے آ چکے ہیں یا وہاں آبادی تیزی سے آتی جاتی رہتی ہے۔
اس کے علاوہ ایسے علاقے جہاں والدین اپنے بچوں کوویکسین پلانے سے انکاری ہوں یا بچے گھر پر موجود نہ ہوں ایسے علاقوں کو بھی ہائی رسک قرار دیا جاتا ہے۔
اس مہم کے دوران کوئٹہ سمیت بلوچستان کے اُن 15اضلاع میں بچوں کو پولیو سے بچاؤ کے قطرے پلائے گئے تھے جن میں اس بیماری کی موجودگی کا خدشہ موجود ہے۔
پاکستان کی حکومت نے پولیو کو قومی ایمرجنسی قرار دیا ہے حکومت کی جانب سے چاروں صوبوں میں ایسے ایمرجنسی سنٹرز قائم کیے گئے ہیں جو انسداد پولیو کے لیے کام کر رہے ہیں۔

یہ بھی دیکھیں

فلسطین کی آزادی اور اسرائیل کا خاتمہ، پاکستانی قوم کی خواہش

حماس کے رہنما اسمٰعیل ہنیہ نے کہا ہے کہ پاکستان نے ہمیشہ فلسطین کی حمایت …