منگل , 21 فروری 2017

کینیڈا، خاتون نے خواب میں نمبر دیکھا اور لاٹری جیت لی

ٹورنٹو(مانیٹرنگ ڈیسک ) کینیڈا کی ایک خاتون جو گذشتہ 30 سالوں سے لاٹری کا ایک ہی نمبر خریدتی آ رہی ہیں کا 39 لاکھ ڈالرز کا انعام نکلا ہے۔اولگا بینو نامی خاتون کا کہنا ہے کہ انھوں نے مئی 1989 کو ’ خواب میں یہ نمبر دیکھا تھا‘ اور اس کے بعد سے وہ مسلسل یہی نمبر خریدتی آئی ہیں۔اولگا کینسر کی مریض ہیں اور یہ جیت ان کے لیے ایک زبردست بات ہے، کیونکہ انھیں اپنے علاج کے لیے اپنا مکان فروخت کرنا پڑا تھا۔اب انھوں نے جیتی ہوئی رقم سے مکان تعمیر کرنے کا منصوبہ بنایا ہے۔
ایٹلانٹک لاٹری نے اولگا بینو کے حوالے سے بتایا کہ ’میں اپنے نمبروں کو جانتی ہوں اور مجھے ایسا لگا کہ میں نے انھیں قرعہ اندازی کے بعد شام کے وقت ٹی وی پر دیکھا ، لیکن میری آنکھیں ٹھیک نہیں اس لیے میں اس بارے میں بھول گئی۔اولگا کا کہنا ہے کہ ’جواب میں میری بہن نے مجھ سے کہا کہ جب آپ سچ بتانا چاہتی ہوں تو مجھے کال کیجیئے گا۔
دس سال قبل انھیں معلوم ہوا تھا کہ وہ سٹیج فور کے کینسر میں مبتلا ہیں اور انھیں اپنا گھر فروخت کرنا پڑا۔اولگا کا کہنا ہے کہ ان کے شوہر، بچوں اور پوتوں نے انھیں اس بیماری کا مقابلہ کرنے میں مدد کی اور اب وہ انھیں ڈزنی ورلڈ لے جانا چاہتی ہیں۔

یہ بھی دیکھیں

دو ارب سال پرانا پانی کا ذخیرہ دریافت

اوتاوا(مانیٹرنگ ڈیسک )کہتے ہیں امید نہیں کھونی چاہئے۔ اس کی مثالل کینیڈا میں دریافت ہونے ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے