ہفتہ , 4 دسمبر 2021

ایران و عراق میں دوستانہ اور برادرانہ تعلقات قائم ہیں : عراقی وزیر اعظم

بغداد(مانیٹرنگ ڈیسک)عراق کے وزیراعظم نے کہا ہے کہ عراق اور اسلامی جمہوریہ ایران کے درمیان اچھےدوستانہ اور برادرانہ تعلقات قائم ہیں.عراقی وزیراعظم عادل عبدالمہدی نے گزشتہ روز اپنی ہفتہ وار پریس بریفنگ کے موقع پر ایران عراق تعلقات سے متعلق کہا کہ موجودہ حکومت کے دور میں ایران کے ساتھ اچھے اور برادرانہ تعلقات قائم ہیں.انہوں نے مزید کہا کہ ہم سمجھتے ہیں کہ ہمسایہ ممالک کے ساتھ تعاون میں مشترکات پر توجہ دینی چاہئے، یہی بات ہمارے منشور میں بھی درج ہے.

عادل عبدالمہدی نے کہا کہ مشترکات پر کام کرنے سے اختلافات کا خاتمہ ہوجائے گا دوسری صورت میں اختلافات کا حل ہونا ممکن نہیں.انہوں نے اس بات پر زور دیا کہ پڑوسی ممالک کے ساتھ قریبی تعاون سے باہمی اعتماد میں مزید اضافہ ہوگا.واضح رہے کہ امریکہ کی ہمیشہ سے یہ کوشش رہی کہ ایران و عراق کے تعلقات کو خراب کرے لیکن بغداد نے اس امریکی سازش کو ناکام بنا دیا ہے۔

یہ بھی دیکھیں

ایران کا پاکستان سے سرحدی انفراسٹرکچر کی تقویت اور کسٹمز کے فروغ کی ضرورت پر زور

اسلام آباد: پاکستان میں تعینات اسلامی جمہوریہ ایران کے سفیر نے پاکستان فیڈرل بورڈ آف …