اتوار , 20 جون 2021

ایران کے خلاف کسی بھی غلطی سے باز رہیں،ایران کا صہیونیوں کو انتباہ

تہران (مانیٹرنگ ڈیسک)اسلامی جمہوریہ ایران نے صہیونی وزیراعظم کے حالیہ اشتعال انگیز بیانات کے جواب میں قابض صہیونی حکومت کو خبردار کرتے ہوئے کہا ہے کہ ایران اپنے دفاع کا حق بھرپور استعمال کرے گااقوام متحدہ میں ایرانی مشن نے صہیونی وزیراعظم کے ایران مخالف بیانات کے ردعمل میں سیکریٹری جنرل اقوام متحدہ اور صدر سلامتی کونسل کو خط لکھا ہے.اس خط میں کہا گیا ہے کہ ایران کے خلاف صہیونی وزیراعظم کی دھمکی عالمی قوانین کی کھلی خلاف ورزی ہے لہذا سلامتی کونسل ان دھمکیوں کا نوٹس لے.

ایرانی مشن نے صہیونی حکمرانوں کی اشتعال انگیز اور غیرذمہ دارانہ باتوں کی شدید مذمت کرتے ہوئے انھیں بین الاقوامی تجارت اور ٹرانسپورٹیشن سرگرمیوں کے خلاف قرار دیا.مراسلے کے مطابق، سلامتی کونسل کے اراکین کو صہیونی جارحیت اور دھمکیوں کو روکنا ہوگا کیونکہ یہ مشرق وسطی کی صورتحال کے لئے نہایت خطرناک ہے.

اسلامی جمہوریہ ایران نے صہیونیوں کو خبردار کیا ہے کہ وہ ایران کے خلاف کسی بھی غلطی سے باز رہے دوسری صورت میں ایران اپنے حق دفاع کا بھرپور استعمال کرے گا.یاد رہے کہ نیتن یاہو نے 6 مارچ کو ایران کی تیل برآمدات کو تیل اسمگلنگ قرار دیتے ہوئے ایران کے تیل بردار جہازوں کو دھمکی دی تھی کہ صہیونی بحریہ، سمندر میں ایران کی تیل اسمگلنگ کو روک سکتی ہے.

یہ بھی دیکھیں

کابل میں پھر دھماکے، آٹھ افراد جاں بحق، شیعہ ہزارہ نشانے پر

کابل: افغانستان کے دارالحکومت میں جمعرات کو ہونے والے دو الگ الگ بم دھماکوں میں …