ہفتہ , 4 دسمبر 2021

شام پر اسرائیلی بمباری میں کم سن بچے سمیت چار جاں بحق

دمشق (مانیٹرنگ ڈیسک)شام کے دارالحکومت دمشق کے نواحی علاقے پر اسرائیلی طیاروں کی بمباری میں کم سن بچے سمیت چار عام شہری جاں بحق ہوگئے۔دمشق میں دفاعی اور عسکری ذرائع نے بتایا ہے کہ صیہونی فوج کے لڑاکا طیاروں نے پیر کی رات دیر گئے دمشق کے نواح پر کئی راکٹ فائر کیے۔ اس حملے میں ایک کم سن بچے سمیت چار افراد جاں بحق اور اکیس زخمی ہوگئے۔

ذرائع کا کہنا ہے کہ صیہونی طیاروں نے شام پر یہ حملہ لبنان کی فضائی حدود کی خلاف ورزی کرتے ہوئے انجام دیا ہے۔شام کے اینٹی ایئر کرافٹ یونٹ نے اسرائیلی طیاروں سے داغے جانے والے متعدد راکٹوں کو فضا ہی میں نشانہ بنا کر تباہ کردیا ہے۔ایک اور اطلاع کے مطابق صہیونی فوجیوں نے لبنان کی سرحد کے قریب واقع شامی علاقے قصیر ٹاؤن کو بھی نشانہ بنایا ہے۔

یہ بھی دیکھیں

ایران کا پاکستان سے سرحدی انفراسٹرکچر کی تقویت اور کسٹمز کے فروغ کی ضرورت پر زور

اسلام آباد: پاکستان میں تعینات اسلامی جمہوریہ ایران کے سفیر نے پاکستان فیڈرل بورڈ آف …