عمان نے اسرائیل کے ساتھ روابط بحال ہونے کی تردید کردی

عمان (مانیٹرنگ ڈیسک)عمان نے اسرائیل کے ساتھ سفارتی روابط بحال ہونے کی خبروں کی سختی سے تردید کردی۔وزارتِ خارجہ عمان کی جانب سے ٹوئٹر پر جاری ہونے والے پیغام میں کہا گیا کہ اسرائیل اور عمان کے درمیان روابط قائم ہونے کی خبریں بے بنیاد ہیں۔وزرتِ خارجہ نے مزید کہا کہ عمان فلسطینی حکام اور اسرائیل کے درمیان امن کے عمل میں دلچسپی رکھتا جس کا نتیجہ آزاد فلسطینی ریاست ہو۔

واضح رہے پیر کو اسرائیل کی خفیہ ایجنسی موساد کے چیف نے بیان دیا تھا کہ عمان اور اسرائیل کے درمیان سفارتی روابط بحال ہورہے ہیں۔گزشتہ ہفتے عمان نے فلسطینی سرزمین پر اپنا سفارت خانہ کھولنے کا کہا تھا۔