لبنان میں اسرائیلی جاسوس گرفتار

بیروت (مانیٹرنگ ڈیسک)لبنان کے سیکیورٹی ادارے نے گزشتہ روز جمعہ کو ایک بیان جاری کر کے لبنان میں اسرائیلی جاسوس کو گرفتار کیے جانے کی خبر دی ہے۔اس بیان میں آیا ہے کہ “عامر الیاس فاخوری” نامی شخص جو اسرائیل کے لیے جاسوسی کر رہا تھا کو گرفتار کر لیا گیا ہے اور گرفتاری کے بعد اس نے اپنے جرم کا اعتراف بھی کر لیا ہے۔

المنار ٹی وی چینل کے مطابق، مبینہ شخص نے اپنے اعترافات میں کہا ہے کہ اس نے سن ۲۰۰۰ میں مقبوضہ فلسطین سے اسرائیلی پاسپورٹ حاصل کیا اور اس کے بعد لبنان میں اسرائیل کے لیے جاسوسی کا کام شروع کیا۔خیال رہے کہ سوشل میڈیا کے صارفین نے لبنانی حکومت سے اسرائیلی جاسوس کو سخت سے سخت سزا دینے کا مطالبہ کیا ہے۔