کابل: افغانستان کے شمالی صوبہ بلخ میں فوجی بیس کے قریب کار بم دھماکے میں 6 اہلکار جاں بحق اور 3 زخمی ہو گئے، نیز صوبہ خوست کے دارالحکومت خوست میں بھی دھماکے سے5 شہری زخمی ہوگئے۔
غیر ملکی میڈیاکے مطابق گزشتہ روز صبح ساڑھے 4 بجے نامعلوم مسلح افراد نے ضلع بلخ میں فوجی بیس کے قریب دھماکاکیاتھا۔ دوسرا دھماکا مشرقی صوبہ خوست کے دارالحکومت و شہر خوست میں صبح کے اوقات میں ہوا۔جس میں5 شہری زخمی ہو ئے تاہم دھماکے کی ذمے داری ابھی تک کسی گروپ نے قبول نہیں کی۔