جمعہ , 14 مئی 2021

یونان کا سعودی عرب میں پیٹریاٹ میزائل دفاعی نظام نصب کرنے کا اعلان

یونان نے اپنے پیٹریاٹ دفاعی میزائل نظام کو سعودی عرب میں بھیجنے کا اعلان کیا ہے۔وہ یہ میزائل امریکا ، برطانیہ اور فرانس کے ساتھ ایک مشترکہ پروگرام کے حصے کے طور پر نصب کرے گا۔

غیرملکی خبررساں ادارے کے مطابق یونانی حکومت کے ترجمان اسٹیلیوس پیٹساس نے ایتھنز میں صحافیوں کو بتایا کہ یہ میزائل سعودی عرب کی لاگت پر توانائی کے اہم ڈھانچے کے تحفظ کے لیے نصب کیے جائیں گے۔انھوں نے کہا کہ ان کی تنصیب سے یونان توانائی کی سکیورٹی میں اپنا حصہ ڈالے گا،ہمارے ملک کی علاقائی استحکام کے ایک عامل کے طور پر شناخت ہوگی اور سعودی عرب کے ساتھ ہمارے دوطرفہ تعلقات مضبوط ہوں گے۔ترجمان نے مزید بتایاکہ پیٹریاٹ میزائلوں کو سعودی عرب میں بھییجنے کے بارے میں اکتوبر سے بات چیت جاری تھی لیکن انھوں نے ان کی تنصیب کی کوئی تاریخ نہیں بتائی ہے۔اسٹیلیوس پیٹساس کا کہنا تھا کہ امریکا ، برطانیہ اور فرانس پہلے سے اس پروگرام کا حصہ ہیں اور اٹلی کی بھی اس میں شمولیت کا امکان ہے۔انھوں نے واضح کیا کہ یہ ایک میزائل دفاعی نظام ہے اور اس حیثیت میں اس سے خطے کے دوسرے ممالک کو کوئی خطرہ لاحق نہیں ہوگا۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …