مکہ میں عمرہ کرنے والی خاتون نے خودکشی کرل

مکۃ المکرمہ: عمرہ پر آئی سوڈانی خاتون نے ہوٹل کی عمارت سے کود کر زندگی کا خاتمہ کر لیا۔تفصیلات کے مطابق عمرہ زائر نے پیر کی صبح مکہ کے علاقے “الجرول” میں واقعے ہوٹل کی دوسری منزل سے چھلانگ لگا کر خودکشی کر لی۔ہوٹل نے فوری طور پر واقعے سے متعلق پولیس کو آگاہ کیا تو ریسکیو ٹیمیں اور مقامی پولیس پہنچ گئی، خاتون کو اسپتال منتقل کیا گیا جہاں ڈاکٹرز نے موت کی تصدیق کرتے ہوئے بتایا کہ جب خاتون کو اسپتال لایا گیا تو وہ زندگی کی بازی ہار چکی تھی۔

لاش کو پولیس نے تحویل میں لینے کے بعد سردخانے منتقل کردیا ہے اور لواحقین کی تلاش شروع کردی ہے، خاتون کے ڈیٹا سے لواحقین کو تلاش کر کے آگاہ کیا جائے گا اور ضابطے کی کارروائی کے بعد میت کو ورثاء کے حوالے کیا جائے گا۔واضح رہے کہ مکہ میں خودکشی کے واقعات کی روک تھام کے لیے حرم مکی کی انتظامیہ نے بالائی منزلوں کی ریلنگ کو مزید بلند کردیا جب کہ اضافی پولیس اہلکاروں کی بھی ڈیوٹیاں لگائی گئیں۔