اتوار , 24 اکتوبر 2021

دنیا کے مایہ ناز معذور ویٹ لفٹر انتقال کر گئے

کامیابی کے جھنڈے گاڑنے والے ایران کا مسلسل نام روشن کرنے والے معذور ویٹ لفٹر اور دنیا کے سب سے طاقتور معذور کھلاڑی سیامند رحمان انتقال کر گئے۔اسلامی جمہوریہ ایران کے سپر ہیوی ویٹ لفٹر اور پیرا اولمپک کے سب سے طاقتور کھلاڑی  اتوار کے روز اپنے ہی مکان میں دل کا دورہ پڑنے سے انتقال کر گئے۔سیامند رحمان نے ریو پیرا اولمپک 2016  میں اعلی کارکردگی کا مظاہرہ کرتے ہوئے 310 کلوگرام کے وزن کو اٹھا کر ایک نئی تاریخ رقم کی تھی۔سیامند رحمان نے لندن میں منعقدہ 2012 پیرا اولمپک اور ریو میں منعقدہ 2016 کے پیرا اولمپک مقابلوں میں بھی سونے کے تمغوں پر قبضہ جمایا تھا۔اس کے علاوہ انہوں نے مختلف عالمی مقابلوں میں 6 تمغے جیتے جن میں پانچ سونے اور ایک چاندی کا تھا۔انہوں نے ایشیایی مقابلوں میں بھی شاندار کارکردگی کا مظاہرہ کرتے ہوئے مختلف مقابلوں میں 3 سونے کے تمغے اپنے نام کئے۔سیامند رحمان 1988ء میں ایران کے صوبے مغربی آذربائیجان کے شہر اشنویہ میں پیدا ہوئے اور 2009ء میں ایرانی معذور قومی پاورلفٹنگ ٹیم میں شامل کئے گئے۔

یہ بھی دیکھیں

لبنان کو ایرانی تیل کی ترسیل کا سلسلہ جاری

تہران: ایرانی ایندھن کا حامل ایک اور کاروان شام کے راستے لبنان میں داخل ہو …