ایران میں اسٹیل کی برآمدات میں 28 فیصد اضافہ

تہران: تہران، ارنا- اسلامی جمہوریہ ایران میں رواں سال کے پہلے 11 مہینوں کے دوران 6۔5 ملین ٹن اسٹیل کو برآمد کیا گیا ہے جس میں گزشتہ سال کے مقابلے میں 28 فیصد کا اضافہ دیکھنے میں آیا ہے۔تفصیلات کے مطابق، ایران کے مختلف شہروں بشمول اصفہاں کے ذوب آہن اور فولاد مبارکہ، خوزستان، ہرمزگان، آذربائیجان، خراسان، کاوہ جنوب، صبا فولاد اور بناب کے اسٹیل فیکٹریوں سے حاصل ہونے والے اعداد و شمار کے مطابق رواں سال کے گزشتہ مہینے کے دوران، ایران میں مجموعی طور پر 628 ہزار و 993 ٹن اسٹیل مصنوعات کی برآمدات ہوئی ہیں جس میں گزشتہ سال کے اسی عرصے کے مقابلے میں 68 فیصد کا اضافہ ریکارڈ کیا گیا۔موجودہ اعداد و شمار کے مطابق ایران میں اسٹیل مصنوعات کی برآمدات میں گزشتہ سال کی بنسبت 28 فیصد کا اضافہ دیکھنے میں آیا ہے۔