مہنگائی کی شرح میں کمی ریکارڈ

حکومتی اقدامات کے باعث پیٹرولیم مصنوعات  کی قیمتوں میں کمی  سے ملک میں مہنگائی شرح میں  بھی بتدریج کمی آنے لگی  ہے۔ادارہ شماریات کی ‏مہنگائی کے حوالے سے ہفتہ وار رپورٹ کے مطابق ایک ہفتے کے دوران مہنگائی کی شرح میں 2.01فیصد کمی ریکارڈ کی گئی ہے۔ایک ہفتے میں 14 ضروری اشیاء کی قیمتوں میں کمی اور 13 کی قیمتوں میں اضافہ ریکارڈ کیا گیا، جبکہ 24 اشیاء کی قیمتوں میں استحکام رہا۔ایک ہفتے میں ٹماٹر 8 روپے جبکہ پیاز  کی قیمت میں 3 روپے فی کلو کمی ریکارڈ کی گئی۔ آلو کی قیمت میں  بھی ایک روپے فی کلو کمی ہوئی۔

ایل پی جی کا گھریلو سلنڈر 227 روپے سستا ہوا جبکہ 20 کلو آٹے کے تھیلے کی قیمت میں 4 روپے 60 پیسے کمی ریکارڈ کی گئی۔انڈے 4 روپے فی درجن اور ویجیٹیبل آئل 2 روپے 10 پیسے فی لیٹر سستا ہوا جبکہ فریش دودھ کی قیمت میں 4 روپے 60 پیسے فی لیٹر کمی ہوئی۔ایک ہفتے کے دوران دال مسور اور دال مونگ کی قیمتوں میں اضافہ ہوا جبکہ کیلے ،گڑ اور چاولوں کی قیمت میں  بھی اضافہ ہوا۔ایک ہفتے کےدوران گھی  ،بجلی  اور تیل کی قیمتوں میں استحکام رہا جبکہ  ماچس،ڈبل روٹی  اور چائے کی پتی کی قیمتوں میں  بھی استحکام رہا