عراقی فوج نے الانبار میں داعش کے ذریعہ پھانسی پانے والے لوگوں کی اجتماعی قبر کا پتہ لگایا

عراق میں انٹلی جینس ڈائریکٹوریٹ نے اتوار کے روز ، الانبار گورنریٹ میں ایک اجتماعی قبر کی تلاش کا اعلان کیا۔ملٹری انٹلی جنس ڈائریکٹوریٹ کے مطابق ، یہ اجتماعی قبر (داعش) دہشت گرد گروہ کے ذریعہ پھانسی پانے والے عام شہریوں اور فوجیوں کی باقیات پر مشتمل ہے۔”درست انٹلیجنس اطلاعات کی بنیاد پر ، ساتویں فوجی انٹلیجنس ڈویژن کے اکائی نے ، 29 ویں انفنٹری بریگیڈ کی بحالی یونٹ کے ساتھ مل کر ، الانبار گورنریٹ کے الخودا ڈسٹرکٹ میں داعش کے ایک ٹھکانے پر چھاپہ مارا مار بڑی مقدار میں اسلحہ بھی برآمد کر لیا ۔ملٹری انٹلی جنس کا مزید کہنا ہے کہ ایک ایسی قبر دریافت کی گئی ہے جس میں عراقی فوج اور عام شہریوں کو قتل کرنے کے بعد اجتماعی طور پر دفن کر دیا گیا ہے ۔ یہ یاد رہے دسمبر 2017 میں ، عراق نے تقریبا ساڑھے تین سال کی جنگ کے بعد اپنے پورے علاقے کو دہشت گرد تنظیم کی گرفت سے آزاد کرنے کا اعلان کیا تھا۔تب سے ، عراقی سیکیورٹی فورسز کا پورے ملک میں اس دہشت گروہ کی آخری باقیات کو ختم کرنے کے لئے انتھک محنت جاری ہے۔