امریکا نے اسلحے کی دوڑ سے بچنے کی ایک اور عسکری ڈیل سے دستبردار ہونے کا فیصلہ کر لیا ہے۔ اس ڈیل کا مقصد امریکا اور روس کے مابین اعتماد سازی کو یقینی بنانا تھا۔ اس پیشرفت پر نیٹو اتحادی ممالک نے افسوس کا اظہار کیا ہے۔ اوپن سکائیز ٹریٹی کے تحت اس ڈیل کے رکن چونتیس ممالک ایک دوسرے کی فضائی حدود میں نگرانی کے لیے فوجی پرواز کر سکتے تھے۔ نیٹو نے کہا ہے کہ وہ آئندہ حکمت عملی کے لیے خصوصی میٹنگ کرے گا۔ یہ ڈیل سن 2002 میں کی گئی تھی۔