امريکا نے کہا ہے کہ کورونا کی وبا کی وجہ سے پيدا ہونے والا عدم استحکام دنيا بھر ميں ہيومن ٹريفکنگ ميں اضافے کا سبب بن رہا ہے۔ اس مسئلے پر اپنی سالانہ رپورٹ ميں امريکا نے افغانستان، الجزائر، ليسوٹھو اور نکاراگوا کو سنگين صورت حال والے ممالک کی فہرست ميں شامل کر ليا ہے۔ سعودی عرب کو بليک لسٹ سے ہٹا دیا گیا ہے۔ رپورٹ کے اجراء کے موقع پر وزير خارجہ مائيک پومپيو نے کہا کہ اس مسئلے کے انسداد کے ليے تمام اسٹيک ہولڈرز کا مل کر کام کرنا لازمی ہے۔