سعودی اتحاد نے 59 بار یمن کے علاقے الحدیدہ میں جنگ بندی کی خلاف ورزی کردی

یمن کی قومی نجات کی حکومت نے اتوار کے روز اعلان کیا ہے کہ سعودی جارحین اور ان کے پٹھوؤں نے گزشتہ چوبیس گھنٹوں میں 59 بار مغربی یمن کے الحدیدہ صوبے میں جنگ بندی کی خلاف ورزی کی ہے۔ابلاغ نیوز نے المیادین ٹی وی کے حوالے سے نقل کیا ہے کہ یمن کی قومی نجات کی حکومت نے کہا ہے کہ سعودی جارحین اور ان کے پٹھوؤں نے دسیوں میزائلوں، مارٹر گولوں اور توپ کے گولوں سے الحدیدہ کے مختلف علاقوں پر حملہ کیا۔سویڈن میں یمن کی قومی نجات کی حکومت اور بھگوڑے صدر منصور ہادی کے وفود کے درمیان اٹھارہ دسمبر سن دو ہزار اٹھارہ کو یمن میں فائر بندی کا معاہدہ ہوا تھا لیکن سعودی عرب کی قیادت والا اتحاد ہر دن اس معاہدے کی خلاف ورزی کرتا ہے۔ الحدیدہ بندرگاہ، یمن کے لیے انسان دوستانہ امدا کی ترسیل کا سب سے اہم راستہ ہے۔