ایران شام کے فضائی دفاع کو اپنے جدید نظاموں سے آراستہ کرنے کے لئے تیار ہے

تہران: ایرانی حکومت نے منگل کے روز ، تہران کی جانب سے شام کے فضائی دفاع کو ایرانی سازو سامان سے آراستہ کرنے کی تیاری کا اعلان کرتے ہوئے کہا ہے کہ اس سلسلے میں بات چیت ہوئی ہےاور دونوں ممالک کے مابین تازہ معاہدے پر دستخط کرنے کے بعد یہ پہلا فیصلہ سمجھا جائے گا۔ابلاغ نیوز نے عالمی ذرائع ابلاغ کے حوالے سے نقل کیا ہے کہشام میں دہشت گردی کا خطرہ ابھی ختم نہیں ہوا ہے اور اس کی تصدیق مسلح افواج کے چیف آف جنرل اسٹاف ، میجر جنرل محمد باقری کے دمشق کے دورے کے دوران ہوئی ہے۔
آئی ایس این اے ایجنسی کے مطابق ، ایرانی حکومت کے ترجمان ، علی ربیع نے منگل کے روز کہا کہ شام کے دفاعی نظام کو مستحکم کرنے کے لئے معاہدے پر دستخط ایران نے دستخط کیے ہیں۔انہوں نے اس بات پر زور دیا کہ خطے میں دہشت گردی کی واپسی کا امکان شام کے ساتھ فوجی تعاون کے لئے ایک جامع معاہدے پر دستخط کرنے کی ایک بڑی وجہ ہے ،
ابھی تک دہشت گردی کے خلاف جنگ اپنے اختتام کو نہیں پہنچی ہے اور یہ ممکن ہے کہ دہشت گردی خطے میں واپس آجائے گی کیونکہ اس کے لئے کچھ ممالک کی حمایت حاصل ہےاور ان وجوہات کی بناء پر دمشق اور تہران کے درمیان فوجی تعاون کا معاہدہ ہوا تھا۔شام کے وزیر دفاع ، علی عبداللہ ایوب نے ، گذشتہ ہفتے ایرانی آرمی چیف آف اسٹاف ، محمد باقری کے ساتھ ، دونوں ممالک کے مابین فوجی تعاون کے معاہدے پر دستخط کیے۔دریں اثنا شام کے صدر بشار الاسد نے شام اور ایرانی فریقین کی ملاقاتوں کے نتائج اور دونوں ممالک کے مابین فوجی اور تکنیکی تعاون کے معاہدے پر دستخط کرنے پر اطمینان کا اظہار کیا ، جو شام کو متحد کرنے والے اسٹریٹجک تعلقات کی سطح کو ظاہر کرتا ہے اور یہ مشترکہ اقدامات اور تعاون کئی سالوں کی محنت کا نتیجہ ہے۔