عراقی وزیر اعظم الکاظمی کی صدر حسن روحانی سے خصوصی ملاقات

بغداد: عراق کے وزیر اعظم مصطفی الکاظمی ایک اعلی وفد کے ہمراہ ایران کے دورے پر ہیں جہاں انھوں نے ایران کے صدر حسن روحانی کے ساتھ خصوصی ملاقات کی ہے۔ابلاغ نیوز نے مہر خبررساں ایجنسی کی رپورٹ کا حوالہ دیتے ہوئے لکھا ہے کہ عراق کے وزیر اعظم مصطفی الکاظمی ایک اعلی وفد کے ہمراہ ایران کے دورے پر ہیں جہاں انھوں نے اسلامی جمہوریہ ایران کے صدر حسن روحانی کے ساتھ خصوصی ملاقات کی ہے۔ اس ملاقات میں دو طرفہ تعلقات اور عالمی امور کے بارے میں تبادلہ خیال کیا گيا۔اس سے قبل صدر حسن روحانی نے سربراہی اجلاس کے ہال میں عراقی وزیر اعظم مصطفی الکاظمی کا باقاعدہ استقبال کیا۔ اس موقع پر وزیر صحت سعید نمکی، وزیر دفاع بریگیڈئر امیر حاتمی ، تیل کے وزیر بیژن زنگنہ، روڈ اور ہاؤسنگ کے وزیر محمد اسلامی ، وزارت صنعت و معدن و تجارت کے سرپرست حسین مدرس خیابانی اور سینٹرل بینک کے ڈائریکٹر عدبالناصر ہمتی بھی موجود تھے۔