تہران: ایرانی محکمہ خارجہ کے ترجمان نے کہا ہے کہ ایران میں حالیہ آتشزدگیوں کا سائبر حملوں سے کوئی تعلق نہیں ہے۔ابلاغ نیوز نے ارنا نیوز کا حوالہ دیتے ہوئے لکھا کہ ایران کے محکمہ خارجہ کے ترجمان نے اپنے ایک بیان میں کہا ہے کہ ایران میں ہونے والے حالیہ مسلسل دھماکوں اور آگ لگنے کے واقعات کا بیرونی سائبر حملوں سے کوئی تعلق نہیں ہے۔ یہ بیان سید عباس موسوی نے جمعرات کے روز صحافیوں کے ساتھ گفتگو کرتے ہوئے دیا۔ انہوں نے کہا ہمارے ملک کے خلاف ہونے والے تخریب کاری کے واقعات کا سائبر حملوں سے کوئی تعلق نہیں ہے۔