جمعرات , 9 دسمبر 2021

افغانستان کی صورتحال امریکی کرتوتوں کا نتیجہ ہے: ایران

تہران: ایران کی وزارت خارجہ کے ترجمان نے کہا ہے کہ افغانستان کی جو صورتحال بنی ہے وہ امریکہ کی جنگ پسندی اور بے جا مداخلت کا نتیجہ ہے۔

اسلامی جمہوریہ ایران کی وزارت خارجہ کے نئے ترجمان سعید خطیب زاده نے امریکی وزیر خارجہ کے الزامات کو مسترد کرتے ہوئے کہا کہ افغانستان کی جو صورتحال بنی ہے وہ امریکہ کی جنگ اور بے جا مداخلت کا نتیجہ ہے۔ امریکہ نے ایران پر طالبان کے لئے ہتھیار فراہم کرنے کا الزام عائد کیا ہے۔

سعید خطیب زاده کا کہنا تھا کہ امریکی وزیر خارجہ کا بیان در اصل افراتفری پھیلانا اور واشنگٹن کی جانب سے دہشتگرد گروہ داعش کی مدد سے افغان عوام کی توجہ ہٹانا ہے۔

ایران کی وزارت خارجہ کے ترجمان نے کہا کہ ابھی تک امریکہ نے نیٹو کے دائرے میں داعش کو مدد فراہم کرنے والے ہیلی کاپٹروں کے بارے میں افغان عوام کے پوچھے گئے سوالوں کے جوابات نہیں دیئے۔

یہ بھی دیکھیں

عراق کے شہر بصرہ میں بم دھماکے میں پندرہ افراد شہید

بصرہ: عراق کے جنوبی شہر بصرہ میں الجمہوری اسپتال کے قریب زوردار بم دھماکے کے …