اردن میں شدید دھماکوں سے عوام دہل گئے

زرقا: اردن کے شہر زرقا کے ایک اسلحہ گودام میں زبردست دھماکوں کے بعد عوام میں خاصا خوف و ہراس پھیل گیا۔ اردنی ذرائع کے مطابق یہ دھماکے مارٹرز کے ایک گودام میں شارٹ سرکٹ کے سبب ہوئے جس میں کسی قسم کا جانی نقصان نہیں ہوا ہے۔ دھماکے اتنے شدید تھے کہ کئی کلومیٹر دور تک اسکی روشنی اور دھمک کو محسوس کیا گیا۔ زرقا شہر اردن کے دارالحکومت امان سے، قریب تیس کلومیٹر کے فاصلے پر واقع ہے۔