پاکستان نے مقبوضہ کشمیر میں جنگجو بھیجنے کی بھارتی میڈیا رپورٹ مسترد کردی

پاکستان نے مقبوضہ کشمیر میں غیر مقامی جنگجو بھیجنے کی بھارتی میڈیا رپورٹ مسترد کر دی۔

تفصیلات کے مطابق ترجمان دفترخارجہ کا کہنا تھا کہ بھارت کی جانب سے مقبوضہ کشمیر میں غیرمقامی جنگجو بھیجنے کی میڈیا رپورٹ بے بنیاد ہے۔ دفترخارجہ کا کہنا تھا کہ ایسی بے من گھڑت خبریں تحریک آزادی کشمیر کو دبانے کی سازش ہے،کشمیریوں کی تحریک آزادی مقامی ہے۔

ترجمان دفترخارجہ کا کہنا ہے کہ بھارت کی سازش ایک بار پھر ناکام ہو گی،بھارت کشمیرمیں انسانی حقوق کی خلاف ورزیاں نہیں چھپا سکتا۔ ان کا کہنا تھا کہ بےبنیاد بھارتی الزامات سے پاکستان مخالف پروپیگنڈا واضح ہوتا ہے،جھوٹی خبریں پھیلانے کے بجائے بھارت عالمی قوانین کی پاسداری کرے۔