نیشنل کمانڈ اینڈ آپریشن سینٹر نےبتایا ہے کہ گذشتہ 24 گھنٹوں میں کرونا کےباعث سب سے زیادہ پنجاب میں 25 اموات ہوئیں۔دوسرے نمبر پر سندھ میں 17 اموات ہوئیں۔
این سی او سی کےمطابق گذشتہ 24 گھنٹوں میں مزید 48 افراد کرونا وائرس کے باعث انتقال کرگئے۔گذشتہ24گھنٹوں میں 2 ہزار435 افراد کرونا وائرس کا شکار ہوئے اوراس دوران 38 ہزار 369 کرونا ٹیسٹ کئے گئے۔
این سی او سی نےبتایا کہ ملک بھر میں کرونا وائرس کے کیسز کی تعداد 4 لاکھ 97 ہزار510 ہوگئی،پاکستان میں کرونا سے مجموعی اموات کی تعداد 10 ہزار 558 ہو گئی جبکہ ملک میں ایکٹو کیسز کی تعداد 33 ہزار 124 ہوگئی ہے۔
این سی او سی کےمطابق صحت یاب ہونے والوں کی تعداد 4 لاکھ 53 ہزار 828 ہے۔