جمعہ , 18 جون 2021

فلسطین کے مسئلہ پر سلامتی کونسل کا خفیہ اجلاس

امریکہ کی جانب سے غاصب صیہونی حکومت کی حمایت کے پیش نظر سلامتی کونسل کے تین اجلاسوں کی ناکامی کے بعد فلسطین کے مسئلے پر سلامتی کونسل کا ہنگامی بند کمرہ اجلاس آج بلایا گیا ہے۔

عالمی میڈیا کے مطابق ناروے کے سفارتی مشن نے جنگ بندی کا مطالبہ کرتے ہوئے کہا ہے کہ آگ لگانا بند کرو، دشمنی ختم کرو۔

ادھرامریکہ نے پیر کو سلامتی کونسل میں غزہ پر صیہونی حملے بند کرنے کی تیسری قرار داد بلاک کی تھی، اور نیتن یاہو نے سلامتی کونسل کا مشترکہ اعلامیہ رکوانے پرامریکی صدر کا شکریہ ادا کیا۔

امریکی صدر جوبائیڈن اور اسرائیلی وزیراعظم کے درمیان ٹیلیفونک رابطہ ہوا۔ صدر بائیڈن نے کھل کر جنگ بندی کا مطالبہ کرنے سے گریز کیا۔

امریکہ سمیت بیشتر مغربی ملکوں نے غزہ پر صیہونی جارحیت کے تعلق سے صیہونی حکومت کو اپنی حمایت کا یقین دلایا ہے، تاہم عالمی رائے عامہ اور عوامی دباؤ کی وجہ سے وہ خودساختہ اسرائیلی ریاست سے بعض معاملات پر وضاحت طلب کرنے پر مجبور ہوگئے ہیں۔

یہ بھی دیکھیں

کابل میں پھر دھماکے، آٹھ افراد جاں بحق، شیعہ ہزارہ نشانے پر

کابل: افغانستان کے دارالحکومت میں جمعرات کو ہونے والے دو الگ الگ بم دھماکوں میں …