بدھ , 27 اکتوبر 2021

پی ایس ایل فائنل سے قبل پشاور کو بڑا دھچکا، حیدر علی اور عمید آصف معطل

پاکستان سپر لیگ کے چھٹے ایڈیشن کے فائنل سے قبل پشاور زلمی کو بڑا دھچکا لگا ہے اور پی سی بی نے بائیو سکیور ببل کی خلاف ورزی پر دو کھلاڑیوں کو معطل کر دیا ہے۔

پی سی بی کی جانب سے جاری اعلامیے میں کہا گیا ہے کہ پشاور زلمی کے حیدر علی اور عمید آصف کو بائیو سکیور پروٹوکولز کی خلاف ورزی پر معطل کر دیا گیا ہے۔

پی سی بی کے مطابق دونوں کھلاڑیوں کو پی ایس ایل کے فائنل میں شرکت کی اجازت نہیں ہو گی جبکہ حیدر علی دورہ انگلینڈ اور ویسٹ انڈیز سے بھی باہر ہو گئے ہیں۔

پی سی بی اعلامیے میں کہا گیا ہے کہ دونوں کھلاڑیوں نے بائیو سیکور ببل سے باہر افراد سے ملاقات کی اور سماجی فاصلہ نا رکھا جس پر دونوں کے خلاف ایکشن لیا گیا۔

خیال رہے کہ پاکستان سپر لیگ کے چھٹے ایڈیشن کا فائنل آج پشاور زلمی اور ملتان سلطانز کے درمیان کھیلا جائے گا۔

یہ بھی دیکھیں

ٹینس سٹار نوواک جوکووچ کا ٹوکیو اولمپکس میں شرکت کا فیصلہ

بلغراد: نمبر ون ٹینس کھلاڑی نوواک جوکووچ نے ٹوکیو اولمپکس میں شرکت کا فیصلہ کر …