امریکا کا افغانستان سے انخلا جاری رکھنےکا فیصلہ

واشنگٹن: امریکی صدر جو بائیڈن نے افغانستان میں کابل ائیر پورٹ پر حملے میں 12 امریکی فوجیوں کی ہلاکت کے بعد خطاب کرتے ہوئے دہشتگردوں کو خبردار کیا کہ ‘ہم معاف نہیں کریں گے ،ہم نہیں بھولیں گے ،ہم آپ کا شکار کریں گے’۔

جو بائیڈن کا کہنا تھا کہ افغانستان میں ہلاک ہونےوالے امریکی فوجی ہیرو ہیں ، ہم دہشتگردوں کو اپنے مشن کو روکنے نہیں دیں گے، ہم انخلا جاری رکھیں گے۔

صدر جو بائیڈن نے کہا کہ حملہ کس نے کروایا ابھی کچھ نہیں کہہ سکتے لیکن کچھ اطلاعات ہیں جبکہ کابل دھماکوں میں داعش اور طالبان کے درمیان گٹھ جوڑ کے شواہد نہیں ملے۔

BIDEN: “We will not be deterred by terrorists. We will not let them stop our mission. We will continue the evacuation. I’ve also ordered my commanders to develop operational plans to strike ISIS-K … These ISIS terrorists will not win." pic.twitter.com/Gd1Ar5ab35

— JM Rieger (@RiegerReport) August 26, 2021

انہوں نے جمعرات کو اس عزم کا اظہار کیا کہ امریکا کابل ائیرپورٹ پر خودکش حملے کے باوجود ہزاروں شہریوں کو افغانستان سے نکالنے کے اپنے مشن کو جاری رکھے گا۔

انہوں نے مزید کہا میں نے اپنے کمانڈرز کو بھی حکم دیا ہے کہ وہ داعش کے اہم اثاثوں ، قیادت اور سہولیات پر حملہ کرنے کے لیے آپریشنل پلان تیار کریں ، جواب کب اور کہاں دینا ہے یہ امریکا فیصلہ کرے گا۔

امریکی صدر نے کہا کہ اگر افغانستان میں اضافی فورسز کی ضرورت پڑی تو بھیجی جائے گی،ہم مقررہ وقت تک زیادہ سے زیادہ امریکیوں کے انخلا کی کوشش کریں گے جبکہ گزشتہ 12 گھنٹوں میں 7ہزار افراد کا انخلا کیا گیا ہے ۔