شمالی وزیرستان میں سیکیورٹی فورسز کی کارروائی میں ایک دہشتگرد ہلاک

شمالی وزیرستان: خیبرپختونخوا کے ضلع شمالی وزیرستان کے علاقے اسپین وام میں سیکیورٹی فورسز کی کارروائی میں ایک دہشتگرد ہلاک ہوگیا۔

آئی ایس پی آر کے مطابق اسپین وام میں خفیہ اطلاع پر آپریشن کے دوران فائرنگ کے تبادلے میں ایک دہشت گرد مارا گیا۔

آئی ایس پی آر نے بتایا کہ مارے گئے دہشت گرد کا اسلحہ اور گولہ بارود قبضے میں لے لیا گیا۔

آئی ایس پی آر کے مطابق علاقے میں دیگر دہشت گردوں کی تلاش کیلئے سرچ آپریشن جاری ہے۔