جمعرات , 9 دسمبر 2021

روس، ایران کی مانند جوہری معاہدے میں کوئی تبدیلی تسلیم نہیں کرے گا: روس

رتہران: وس نے کہا ہے کہ وہ بھی جوہری معاہدے (جے سی پی او اے) میں کسی طرح کی تبدیلی قبول نہیں کرے گا۔

روسی وزیر خارجہ سرگئی لاوروف سے اپنے ایرانی ہم منصب حسین امیر عبد اللھیان سے ٹیلیفونی گفتگو میں کہا کہ ایران کی طرح روس بھی جے سی پی او اے میں کسی طرح کی تبدیلی کو قبول نہیں کرے گا بلکہ اسے پوری طرح لاگو ہونا چاہیے۔

انہوں نے اپنے ایرانی ہم منصب سے جمعرات کو ‏گفتگو میں دوطرفہ روابط کے علاوہ خطے کے حالات، افغانستان سے مربوط مسائل نیز جے سی پی او اے کے بارے میں تبادلہ خیال کیا۔ اسکے علاوہ کورونا کو قابو کرنے اور ایرانی تاجروں کی روس آمد و رفت سے متعلقہ مشکلات پر بھی تبادلہ خیال ہوا۔

ایرانی تاجروں کی روس آمد و رفت سے متعلقہ مشکلات پر روسی وزیر خارجہ نے اسکا فورا نوٹس لینے کی یقین دہانی کرائی۔

اس گفتگو میں ایرانی اور روسی وزرائے خارجہ نے افغانستان میں سبھی گروہوں کی مشارکت پر مبنی حکومت کو ضروری بتایا۔

 

یہ بھی دیکھیں

عراق کے شہر بصرہ میں بم دھماکے میں پندرہ افراد شہید

بصرہ: عراق کے جنوبی شہر بصرہ میں الجمہوری اسپتال کے قریب زوردار بم دھماکے کے …