ہفتہ , 28 مئی 2022

سری لنکن شہری قتل کیس میں سات مرکزی ملزمان کے حتمی کردار کا تعین کرلیا گیا

گوجرانوالہ: سری لنکن شہری پریانتھا کمارا قتل کیس کی پولیس تفتیش میں سات مرکزی ملزمان کے حتمی کردار کا تعین کر لیا گیا۔

ملزم عمران اور حمیر نے پریانتھا پر قینچی سے وار کیے۔ حملے میں استعمال ہونے والی دونوں قینچیاں برآمد ہو گئی ہیں۔

پولیس کے مطابق ملزم حافظ تیمور نے اینٹ کا بنا بلاک پریانتھا پر مارا تھا۔ ملزم علی اصغر نے لاش کو آگ لگائی۔ آگ لگانے کیلیے جو لائٹر استعمال ہوا وہ بھی برآمد ہو گیا ہے۔ ملزم شہریار اور بلال نے بیرونی دروازہ توڑ کر ہجوم کو اندر بلایا تھا۔

ملزم عبد الصبور بٹ نے فیکٹری ورکرز کو حملے کیلیے اکسایا تھا۔ ساتوں ملزمان نے دوران تفتیش اعتراف جرم کر لیا ہے۔ ملزمان نے زیر دفعہ 164 کے اپنے بیانات بھی ریکارڈ کروائے ہیں۔ سات ملزمان سے تفتیش مکمل ہونے پر انھیں گوجرانوالہ جیل میں منتقل کیا گیا ہے۔ کیس کے سات ملزمان کو جیل میں اسپیشل سیل میں رکھا گیا ہے۔

یہ بھی دیکھیں

امریکہ نے وسطی ایشیا کو اپنی بائیولوجیکل سرگرمیوں کا مرکز بنا لیا: روس

امریکہ نے وسطی ایشیا کو اپنی بائیولوجیکل سرگرمیوں کا مرکز بنا رکھا ہے اور روس …