ہفتہ , 28 مئی 2022

عفرین پر امریکہ کے حامی کردوں کا راکٹوں سے حملہ، پندرہ افراد جاں بحق و زخمی

حلب: شمالی شام کے صوبے حلب کے عفرین شہر پر امریکہ کے حامی کردوں نے راکٹوں سے حملہ کیا ہے۔

المیادین کی رپورٹ کے مطابق ان حملوں میں 3 افراد جاں بحق اور 12 دیگر زخمی ہوئے ہیں ۔

میڈیا ذرائع کے مطابق یہ حملے امریکہ کی حمایت یافتہ شام کی کرد ملیشیا سے وابستہ دہشتگردوں نے کئے ہیں ۔

شہرعفرین شام کے صوبہ حلب میں واقع ہے اور اس پر ترکی کی فوج اور اس کے حمایت یافتہ دہشتگرد گروہوں کا قبضہ ہے ترکی کے قبضے کے بعد سے شام کے شمالی شہروں میں اکثر وبیشتر جھڑپیں، راکٹ حملے اور کار و موٹر سائیکل دھماکے ہوتے رہتے ہیں۔

ترکی کی فوج نے گزشتہ چار برسوں کے دوران بارہا شام پر حملے کئے ہیں ۔ شمالی شام پر ترکی کی جارحیت کی عالمی سطح پربڑے پیمانے پر مذمت ہوتی رہی ہے ۔

یہ بھی دیکھیں

امریکہ نے وسطی ایشیا کو اپنی بائیولوجیکل سرگرمیوں کا مرکز بنا لیا: روس

امریکہ نے وسطی ایشیا کو اپنی بائیولوجیکل سرگرمیوں کا مرکز بنا رکھا ہے اور روس …