دعا کی شوہر کے ہمراہ سیالکوٹ میں موجودگی کا انکشاف

کراچی سے لاپتا ہونے والی دعا زہرہ کی لوکیشن سے متعلق ایک پیشرفت سامنے آئی ہے۔

ذرائع کے مطابق دعا زہرہ کی اپنے شوہر کے ہمراہ سیالکوٹ میں موجودگی کا انکشاف ہوا ہے۔

پولیس ذرائع کا بتانا ہے کہ لوکیٹر کے ذریعے دونوں میاں بیوی کی سیالکوٹ میں موجودگی کا پتا چلا ہے، لاہور اور کراچی پولیس کی ٹیمیں دعا کو لینے کے لیے سیالکوٹ میں موجود ہیں۔

پولیس ذرائع کے مطابق دعا اوراس کا شوہر بار بار اپنی لوکیشن تبدیل کررہے ہیں۔

یاد رہے کہ سندھ ہائی کورٹ نےدعا زہرہ کو عدالت میں پیش کرنے کا حکم دے رکھا ہے جب کہ دعا زہرہ کی عدم پیشی پر آئی جی سندھ کو بھی تبدیل کردیا گیا ہے اور اب عدالت نے ایف آئی اے کو اس معاملے میں پولیس کی معاونت کی ہدایت کی ہے۔