بدھ , 28 ستمبر 2022

صیہونی فوجیوں کی جارحیت اور بر بریت جاری، ایک فلسطینی شہید 131 زخمی

مظلوم فلسطینیوں کے خلاف صیہونی فوجیوں کی جارحیت اور بر بریت کا سلسلہ جاری ہے۔

فلسطین الیوم نے طبی ذرائع کے حوالے سے بتایا ہے کہ ایک 16 سالہ فلسطینی نوجوان عبدالله محمد حماد صیہونی دہشتگردوں کی فائرنگ کا نشانہ بن کر شہید ہو گیا۔ اطلاعات کے مطابق یہ نوجوان گزشتہ روز رام اللہ شہر کی سلواد کالونی میں صیہونی فوجیوں کی فائرنگ سے زخمی ہوا تھا اور زخمی ہونے کے باوجود صیہونی فوجیوں نے اسے گرفتار کر لیا تھا جو آج زخموں کی تاب نہ لاتے ہوئے چل بسا۔

اُدھر غرب اردن میں گزشتہ روز صیہونی بستیوں کے خلاف احتجاج کرنے والے مظاہرین پر غاصب صیہونی فوجیوں کے حملے میں 131 فلسطینی زخمی ہوئے۔

فلسطینیوں نے اعلان کیا ہے کہ رواں سال 2022 کے آغاز سے اب تک صرف غرب اردن میں صیہونی دہشتگرد 1200 سے زائد فلسطینیوں کو گرفتار کر چکے ہیں جن میں سے 350 پر مقبوضہ علاقوں میں شہادت پسندانہ کارروائیاں کرنے کے بے بنیاد الزامات ہیں۔

یہ بھی دیکھیں

ہم، یونان کو ترکیہ پر مسلط کرنے والوں کی نیت سے بخوبی واقف ہیں:اردگان

انقرہ:ترکیہ کے صدر رجب طیب ایردوان نے کہا ہے کہ” ہم یونان کو بتا دینا …