حکومت پاکستان نے قیام پاکستان کے 75 سال مکمل ہونے پر ’عزم عالی شان، شاد رہے پاکستان‘کے عنوان سے خصوصی ‘لوگو’ جاری کردیا۔
وزیر اطلاعات مریم اورنگزیب نے ٹوئٹر پر ’ لوگو ‘ کی ویڈیو جاری کی اور ٹوئٹ کے ذریعے قوم کو خصوصی لوگو کے حوالے سے اطلاع دی۔
انہوں نے لکھا کہ قیام پاکستان کے 75 سال مکمل ہونےکی ڈائمنڈ جوبلی کی خوشیوں کے موقع پر’عزم عالی شان، شاد رہے پاکستان‘کے عنوان سے خصوصی ‘لوگو’ جاری کردیا۔
مریم اورنگزیب نے لکھا کہ ’یہ پاکستان سے محبت اور اس عزم کی تجدید ہےکہ ہمارے بہادر عظیم بزرگوں اور شہدانے عزم سے پاکستان بنایا تھا، اسی عزم کے ساتھ معاشی طور پر اسے مضبوط، خودانحصار، فلاحی مملکت اور دفاعی لحاظ سے ناقابل تسخیر بنائیں گے تاکہ قیام پاکستان کے حقیقی مقاصد حاصل ہوں اور عوام کی زندگیوں میں وہ آسانیاں آئیں جن کا خواب برصغیر کے مسلمانوں نے دیکھا تھا ‘۔