بدھ , 17 اگست 2022
تازہ ترین

انسان اور آکٹوپس کے دماغ میں مشابہت نے سائنس دانوں کو حیران کردیا

انسان اور  آکٹوپس کے دماغ  کی مشترکہ خصوصیات نے سائنس دانوں کو حیران کردیا ہے۔

آکٹوپس کو بغیر ریڑھ کی ہڈی والے جانداروں میں سب سے زیادہ ذہین سمجھا جاتا ہے۔

ایک نئی تحقیق میں یہ بات سامنے آئی ہےکہ انسان اور  آکٹوپس کے دماغ میں موجود کچھ جینز مشترک ہوتے ہیں۔

ماہرین کا کہنا ہےکہ انسانی جینوم میں بڑی تعداد میں جینز ہوتے ہیں جنہیں ہم ٹرانسپوسن یا جمپنگ جینز کہتے ہیں، یہ جینز خود کو نقل کرسکتے ہیں اور انسانی جینوم کےگردگھوم سکتے ہیں۔

ماہرین کا کہنا ہے کہ آکٹوپس کا دماغ مختلف حوالوں سے انسانی دماغ کی کئی خصوصیات سے مشابہت رکھتا ہے۔

تحقیق میں بات سامنے آئی کہ  جمپنگ جینز انسانوں کے علاوہ  آکٹوپس کی2 اقسام میں بھی فعال ہوتے ہیں، ان میں سے ایک قسم عام آکٹوپس کی ہے اور  دوسری قسم کیلی فورنین آکٹوپس کی ہے۔

فائل فوٹو
فائل فوٹو

اکثر سائنس دانوں کا کہنا ہےکہ ٹرانسپوسن یا جمپنگ جینز کا تعلق سیکھنے، یادداشت اور دیگر سوچنے سمجھنےکی صلاحیت سے ہے۔

یہ جینز آکٹوپس کے ذہین ہونے کی وجہ ہے، ان جمپنگ جینز کے ذریعے ہم اس جاندار کی ذہانت کو مزید بہتر طریقے سے سمجھ سکتے ہیں۔

یہ بھی دیکھیں

بارشوں اور سیلاب سے افغانستان میں 32 افراد جانبحق۔

کابل:افغانستان کے صوبے پروان میں شدید بارشوں کے باعث سیلاب سے 32 افراد جانبحق اور …