Iblagh News | حقائق تک رسائی اور ان کا ابلاغ
کرک:خیبر پختونخوا کے ضلع کرک میں ہیضے کی وباء مزید پھیلنے لگی، 70 افراد متاثر ہوگئے۔
کرک کے گاؤں جٹہ اسماعیل خیل میں ہیضے سے متاثر ہونیوالوں زیادہ تر بچے اور خواتین شامل ہیں۔
ریسکیو ذرائع کے مطابق میڈیکل ٹیم مسلسل علاقے میں امدادی سرگرمیوں میں مصروف ہے، دو روز میں ریسکیو کے میڈیکل ٹیمز نے ایک سو چالیس سے زائد متاثرہ افراد کو طبی امداد دی ۔
ڈپٹی کمشنر نے جٹہ اسماعیل خیل گاؤں میں صحت ایمرجنسی نافذ کردی، ہیضے سے اب تک ایک خاتون اور ایک بچہ جاں بحق ہوچکے ہیں، علاقے میں ہیضے نے وبائی شکل اختیار کرکے پورے گاؤں کو لپیٹ میں لے رکھا ہے۔
