حکومت کی عدم توجھی سے دو گھروں کے چراغ گل ہوگئے۔

لاہور سے میانوالی جانے والی ٹرین کی چھت سے گر کر 2 مسافر جاں بحق جبکہ 4 مسافر زخمی ہو گئے۔

ریسکیو ذرائع کے مطابق مسافروں کے ٹرین کی چھت سے گرنے کا حادثہ غفور آباد ریلوے اسٹیشن کے قریب پیش آیا ہے۔

ریسکیو ذرائع کا کہنا ہے کہ ٹرینوں میں آج کل عیدالاضحیٰ کی وجہ سے آبائی علاقوں کی جانب جانے والے مسافروں کا کافی رش ہے۔

ریسکیو ذرائع نے یہ بھی بتایا ہے کہ رش کے باعث ٹرین میں جگہ نہ ملنے کے باعث درجنوں مسافر لاہور سے میانوالی جانے والی ٹرین کی چھت پر سوار تھے۔