ہفتہ , 1 اکتوبر 2022

پنجاب میں موسلا دھار بارش سے ریلوے کا نظام درہم برہم

لاہور: صوبہ پنجاب میں موسلا دھار بارش سے ریلوے نظام درہم برہم ہوگیا، درجنوں ٹرینیں منزل سے پہلے روک دی گئیں جبکہ متعدد تاخیر کا شکار ہیں۔

تفصیلات کے مطابق صوبہ پنجاب میں موسلا دھار بارش سے ریلوے نظام درہم برہم ہوگیا، گجرات ریلوے اسٹیشن کے ٹریک پر پانی جمع ہونے سے ٹرینوں کی آمد و رفت بے حد متاثر ہوئی ہے۔

خیبر پختونخواہ اور راولپنڈی سے آنے والی ٹرینوں کو گجرات سے پہلے روک دیا گیا، سندھ سے آنے والی ٹرینیں بھی رک گئیں۔

ریل گاڑیوں کی آمد و رفت ڈھائی گھنٹے سے متاثر ہے، عوامی ایکسپریس، جعفر ایکسپریس، تیز گام اور ریل کار ڈھائی گھنٹے سے جہلم اسٹیشن پر موجود ہیں۔

ترجمان ریلوے کا کہنا ہے کہ موسلا دھار بارشوں کے باعث ٹریک پانی میں ڈوبے ہوئے ہیں، پانی جمع ہونے کے باعث ٹرینیں ڈی ریل ہونے کا خدشہ ہے۔ احتیاطی تدابیر کے طور پر تمام ٹرینوں کو روکا گیا ہے۔

ترجمان کے مطابق ٹرینوں کی آمد و رفت کی بحالی سے متعلق کچھ کہنا قبل از وقت ہے، گجرات ریلوے اسٹیشن کے ٹریکس مکمل طور پر پانی میں ڈوبے ہوئے ہیں۔

یہ بھی دیکھیں

امریکہ شام میں تیل کی لوٹ مار سے باز نہیں آ رہا:شامی وزرات پٹرولیم

جدید ترین ہتھیاروں سے لیس امریکی فوجی شامی تیل لوٹنے میں مصروف ہیں ۔اطلاعات کے …