ہفتہ , 1 اکتوبر 2022

پنجاب ضمنی الیکشن، پرُجوش انتخابی مہم ختم

پنجاب کے 20 حلقوں کا انتخابی معرکہ تخت لاہور کا فیصلہ کرے گا کہ حمزہ شہباز کا راج جاری رہے گا یا پھر تبدیلی آئے گی۔

ضمنی الیکشن کے لیے پُرجوش انتخابی مہم کے دوران مسلم لیگ (ن) اور تحریک انصاف نے جلسے، ریلیاں اور کارنر میٹنگز کیں۔

پرُجوش انتخابی مہم کا وقت ختم ہوگیا، اب اتوار کو مسلم لیگ (ن) اور تحریک انصاف کی مقبولیت کا امتحان ہوگا، جس میں 175 امیدوار آمنے سامنے ہوں گے۔

پی پی 7 راولپنڈی، پی پی 83 خوشاب، پی پی 90 بھکر، فیصل آباد کے حلقہ پی پی 97، جھنگ میں 125،127 اور شیخوپورہ میں پی پی 140 پر ضمنی انتخاب ہوگا۔

اس کے علاوہ لاہور کی نشست پی پی 158، 167، 168 اور پی پی 170 پر بھی ضمنی انتخاب ہوگا۔

ساہیوال میں پی پی 202، پی پی 217 ملتان، لودھراں کے حلقہ پی پی 224 اور 228 پر بھی ووٹ ڈالے جائیں گے۔

بہاولنگر میں پی پی 237 اور مظفرگڑھ کے 3 حلقوں پی پی 237، 272، 273 پر ضمنی انتخاب ہوگا۔

لیہ کے حلقہ پی پی 282 اور ڈیرہ غازی میں پی پی 288 پر بھی ضمنی انتخاب کا میدان سجے گا۔

یہ بھی دیکھیں

امریکہ شام میں تیل کی لوٹ مار سے باز نہیں آ رہا:شامی وزرات پٹرولیم

جدید ترین ہتھیاروں سے لیس امریکی فوجی شامی تیل لوٹنے میں مصروف ہیں ۔اطلاعات کے …