بدھ , 28 ستمبر 2022

ایران ایک اور سیٹلائٹ خلا میں بھیجنے کے لئے تیار

ایران کے خلائی ادارے کے سربراہ نےکہا ہے کہ ایران میں تیار شدہ ایک اور سیٹلائٹ خلا میں روانہ ہونے کے لئے تیار کر لیا گیا۔

اسلامی جمہوریہ ایران کے خلائی ادارے کے سربراہ حسن سالاریہ نے کہا ہے کہ یہ سیٹلائٹ، موسم خزاں میں خلا میں بھیج دیا جائے گا۔ انہوں نے زور دیکر کہا کہ ایران اور علاقے کے دیگر ممالک کی خلائی ٹیکنالوجی کے درمیان سب سے بڑا فرق یہ ہے کہ ایران نے اپنی صلاحیتوں اور ملک کی  توانائیوں پر انحصار کرتے ہوئے اس سلسلے کی ٹیکنالوجی میں خودکفیل ہونے کا کارنامہ انجام دیا ہے۔

انہوں نے کہا کہ دشمنوں کی جانب سے عائد تمام پابندیوں کے باوجود، اسلامی جمہوریہ ایران نے خلائی ٹیکنالوجی کے مختلف شعبوں میں ضروری مہارت اور وسائل حاصل کرکے اس میدان میں قدم جمالیا ہے۔ انہوں نے کہا کہ خلائی ٹیکنالوجی کے سلسلے میں گذشتہ چار دہائیوں سے ترقی کا سلسلہ کبھی رکا نہیں ہے۔  خلائی شعبے کے سربراہ حسن سالاریہ نے زور دیکر کہا کہ پابندیوں نے ایران کو خود کفالت کا راستہ دکھایا ہے۔

خلائی ادارے کے سربراہ نے مزید کہا کہ آج اسپیس کے شعبے میں ترقی کسی بھی ملک کے اقتدار اعلی کو یقینی بنانے میں مرکزی کردار ادا کرسکتی ہے۔

یہ بھی دیکھیں

مسجد اقصی انقلابوں کا ایندھن، امن اور جنگ کا دروازہ

مسجد اقصی سے متعلق بات چیت صرف ایک مکان کی گفتگو نہیں ۔ یہ تو …