بدھ , 28 ستمبر 2022

مالی سال 22-2021 میں 16 ارب 94 کروڑ ڈالر کا قرض لیا گیا

اسلام آباد:  مالی سال (22-2021 ) جولائی سے جون تک 16 ارب 94 کروڑ ڈالر کا مجموعی قرضہ لیا گیا۔

وزارت اقتصادی امور کی جاری کردہ تفصیلات کے مطابق گزشتہ مالی سال 2021-22 کے دوران 2 ارب ڈالر کے بانڈز کا اجرا ہوا، جولائی سے جون باہمی معاہدوں کے تحت 70 کروڑ ڈالر قرض لیا گیا جبکہ جولائی سے جون کثیرالجہتی معاہدوں کے تحت 4 ارب 82 کروڑ ڈالر قرض لیا۔

رپورٹ کے مطابق کمرشل بینکوں سے 4 ارب 86 کروڑ ڈالر سے زائد قرض حاصل کیا گیا، سعودیہ عرب کی جانب سے 3 ارب ڈالر سیف ڈیپازٹ کی مد میں وصول ہوئے، سعودیہ عرب کی جانب سے گزشتہ مالی سال کے دوران 40 کروڑ ڈالر قرض لیا گیا، مختلف ممالک اور ملٹی لیٹرل اداروں سے 19 کروڑ 86 لاکھ ڈالر کی گرانٹس ملی ہیں۔

رپورٹ میں کہا گیا کہ جولائی سے جون کے دوران امریکہ سے پاکستان کو 6 کروڑ 98 لاکھ ڈالر قرض وصول ہوا، ایشیائی ترقیاتی بینک نے پاکستان کو ایک ارب 62 کروڑ ڈالر سے زائد قرض فراہم کیا، اسلامک ڈیولپمنٹ بنک سے پاکستان کو ایک ارب 32 کروڑ ڈالر سے زائد قرض ملا۔

یہ بھی دیکھیں

سرکاری ملازمین پر حملہ، علیم خان کے سیکیورٹی اسٹاف پر مقدمہ درج

لاہور: پاکستان تحریک انصاف (پی ٹی آئی) کے منحرف رہنما علیم خان کے سیکیورٹی اسٹاف …