اتوار , 25 ستمبر 2022

اسلامی نظام دنیا بھر میں امریکہ، اسرائیل اور باطل قوتوں کے نشانے پر ہے لہذا ولایت فقیہ کا دفاع ہمار اہم ترین فریضہ ہے۔۔حجة الاسلام سید ہاشم الحیدری

بغداد: مہر خبررساں ایجنسی کی رپورٹ کے مطابق عراقی اسلامی تحریک عہداللہ کے سیکریٹری جنرل حجة الاسلام سید ہاشم الحیدری نے مسجد جمکران میں اربعین کے عوامی رضاکاروں کے ساتویں اجتماع سے خطاب کرتے ہوئے کہا مقدس دفاع کا محاذ آج کی کربلا ہے اور اسلامی جمہوریہ نے ولایت فقیہ کا اصول اپنایا اور اس کی پیروری کی۔
انہوں نے زور دے کر کہا کہ ہم اربعین کے موقع پر اپنی پوری استطاعت کے ساتھ زائرین کی خدمت کرتے ہیں جبکہ ہمارا یہ اقدام ولایت فقیہ کی ۴۳ سالہ اطاعت کے مقابلے میں کچھ بھی نہیں ہے۔عہد اللہ کے سیکریٹری جنرل کا کہنا تھا افسوس کے ساتھ کہنا پڑتا ہے کہ عراق میں اسلامی جمہوریہ ایران کے خلاف سوفٹ وار شدت اختیار کرچکی ہے اور رواں سال حالات مختلف اور تبلیغ بہت مشکل ہوگئی ہے۔اور اس سافٹ وار کے بڑھنے کا ایک سبب عراق میں ولایت فقیہ اور رہبریت کا فقدان ہے، لہذا تمام مبلغین کی ذمہ داری ہے کہ ولایت فقیہ اور اسلامی نظام کی تبلیغ کریں۔

انہوں نے مزید کہا ‘‘عاشورا ‘‘ امت اسلام  کا اہم ترین آزمائش اور امتحان تھا اور تاریخ میں ہمیشہ حق اور باطل کے دو محاذ موجود رہے ہیں اور اس ضمن میں رہبریت کا کردار انتہائی اہم ہے۔ ان کا کہنا تھا امام زمانہ ﴿ع﴾ کی غیبت کے زمانے میں ہمارا امتحان ولایت فقیہ کا مسئلہ ہے۔

انہوں نے کہا اربعین میں موکبوں کی حالت گزشتہ سالوں کی بنسبت بہت بہتر ہوئی ہے تاہم آج کے دور میں با بصیرت موکبوں کی ضرورت ہے۔ ان کا کہنا تھا اسلامی نظام دنیا بھر میں امریکہ، اسرائیل اور باطل قوتوں کے نشانے پر ہے لہذا ولایت فقیہ کا دفاع ہمار اہم ترین فریضہ ہے۔
انہوں نے اس بات پر زور دیا کہ اربعین کے لئے پورے سال کام ہونا چاہئے اور سافٹ وار اور ثقافتی جنگ انتہائی دشوار اور اہم ہیں اور ہمیں بھی اس میدان میں ثقافتی اور سافٹ وار  کی جنگ لڑنی ہوگی۔

یہ بھی دیکھیں

ایران کیخلاف فوجی کارروائی کا اختیار "میز پر موجود” رہنا چاہیئے، یائیر لیپڈ

نیویارک:اسرائیل کے عبوری وزیراعظم یائیر لیپڈ نے اقوام متحدہ کی جنرل اسمبلی کے سامنے تقریر …