پیر , 26 ستمبر 2022

غیر ملکی زائرین حتمی اعلان تک شلمچہ باڈر پر نہ جائیں،سید مجید میر احمدی

تہران:ایران کی مرکزی اربعین کمیٹی کے سربراہ نے کہا کہ ابھی تک پاکستانی اور افغانی زائرین کا مسئلہ حل نہیں ہوا اور ہم انہیں تاکید کرتے ہیں کہ کسی بھی طور پر شلمچہ کے باڈر پر نہ جائیں۔

ذرائع کے مطابق ایران کی اربعین کمیٹی کے سربراہ سید مجید میر احمدی سرحدوں سے زائرین کے گزرنے کے حوالے سے تازہ ترین اپڈیٹس کا اعلان کرتے ہوئے کہا کہ اب تک ۸ لاکھ ۵۰ ہزار افراد زمینی سرحدوں سے گزر کر عراق جا چکے ہیں جبکہ پاکستانی اور افغانی زائرین کا مسئلہ ابھی تک حل نہیں ہوا اور ہم انہیں تاکید کرتے ہیں کہ کسی بھی طور پر شلمچہ کے باڈر پر نہ جائیں۔

ان کا کہنا تھا کہ تخمینوں کے مطابق آج رات ١۲ بجے تک باڈر پار کرنے والے زائرین کی تعداد گزشتہ دن مقابلے میں ١۰۰ فیصد تک بڑھ جائے گی۔

ان کا کہنا تھا کہ سرحدی نقاط پر اہل سنت برادران نے بھی موکب لگائے ہیں اور شیعہ اور اہل سنت کے مابین اتحاد کا عملی مظاہرہ ہو رہا ہے۔

اربعین کمیٹی کے سربراہ نے ایران کے زمینی باڈرز سے غیرملکی زائرین کے عبور کی تازہ ترین اپڈیٹیس کا اعلان کرتے ہوئے کہا کہ ابھی تک پاکستانی اور افغانی زائرین کا مسئلہ حل نہیں ہوا لہذا یہ افراد باڈر کی طرف جانے سے پرہیز کریں تاہم اس سلسلے میں کوششیں جاری ہیں اور بات چیت ہو رہی ہے لہذا غیر ملکی زائرین مسئلہ حل ہونے کے اعلان تک منتظر رہیں۔

یہ بھی دیکھیں

پاک فوج کا ہیلی کاپٹر بلوچستان میں گر کر تباہ، 6 اہلکار شہید

کوئٹہ:پاک فوج کے شعبۂ تعلقاتِ عامہ (آئی ایس پی آر) نے بتایا ہے کہ پاک …