پیر , 26 ستمبر 2022

ایرانی نائب صدر کا پاکستانیوں سمیت دیگرغیر ملکی زائرین کےمسائل کےحوالے سے عراقی وزیراعظم کو ٹیلی فون

 

ایران کے نائب صدر نے عراقی وزیر اعظم سے مطالبہ کیا کہ زائرین کی رفت و آمد کو آسان بنانے اور غیر ایرانی زائرین کے ایران سے عراق داخلے پر پابندی کو ختم کرنے کے لئے ضروری احکامات جاری کریں۔
رپورٹ کے مطابق، آج بدھ کے روز ایران کے نائب صدر محمد مخبر نے عراقی وزیر اعظم مصطفی الکاظمی کو ٹیلی فون کیا اور کہا کہ زائرین کا خیر مقدم اور ان کی پذیرائی کے حوالے سے عراقی حکومت میں موجود قابلیت عراق کے مقتدر ہونے کی ایک علامت ہے اور تہران اس معاملے میں بغداد کو ہر قسم کی مدد فراہم کرنے کے لئے مکمل طور پر تیار ہے۔

ایرانی نائب صدر نے عراقی عوام اور حکومت کی جانب سے زائرین کی شاندار مہمانوازی اور پذیرائی پر ان کا شکریہ ادا کیا اور زائرین کی رفت و آمد میں آسانی پیدا کرنے کی ضرورت پر زور دیا۔

انہوں نے زائرین کی کثیر تعداد اور گرم موسم کے پیش نظر عراقی باڈروں میں زائرین کے لئے پیش کی جانے سہولیات میں مزید بہتری لانے کا مطالبہ کیا۔

محمد مخبر نے عراقی وزیر اعظم سے غیر ملکی زائرین کی رفت و آمد میں سہولت ایجاد کرنے کی درخواست کی اور ایران سے ان کے عراق میں داخلے پر عائد پابندی ختم کرنے کے لئے ضروری احکامات جاری کرنے کا مطالبہ بھی کیا۔

عراقی وزیر اعظم مصطفی الکاظمی نے بھی زائرین کے خدمت کے لئے اپنی حکومت، مسلح افواج اور عوام کے مکمل طور پر آمادہ ہونے کا بتایا اور محمد مخبر کی تجاویز کے حوالے سے کہا کہ ان کے بس میں جو کچھ ہوا زائرین کی سہولیات اور سیکورٹی کے لئے وہ سب انجام دیں گے تا کہ اربعین مارچ شوکت و عظمت کے ساتھ منعقد ہوسکے۔

یہ بھی دیکھیں

امریکہ کے لیے ترکیہ سب سے اہم ممالک میں سر فہرست ہے: ترک وزیر خارجہ

نیویارک:وزیر خارجہ میولود چاوش اولو نے کہا کہ جب امریکہ کی ترجیحات پر غور کیا …